о татарстане

Ответ от Вахит Шавалиев[гуру]
Татарстан — минем туган республикам. Аның аша узган иң зур елгалар Идел һәм Чулман илебез картасында зәңгәр билбау кебек. Безнең Татарстаныбызның чын язы, җәе, көзе һәм кышы бар. Анда Казан, Яр Чаллы, Әлмәт, Чистай, Алабуга, Бөгелмә, Зәй, Азнакай кебек егермеләп шәһәр бар. Нурлы Казан — илебезнең башкаласы. Бу шәһәр Г. Тукай, М. Җәлил, Ф. Шаляпин, Н. Лобачевский, А. Бутлеров кебек дөньяга даны таралган шәхесләр исеме белән бәйләнгән. Суверен Татарстан байрагы беренче мәртәбә 1991 нче елның декабрендә Казанның Ирек мәйданындагы Югары Совет бинасы өстендә җилфердәде. 1967 нче елда Кремль янында Муса Җәлилгә һәйкәл ачылды. Республикабыз җире кара алтын, газ, ташкүмер һәм төзелеш материалларына бай. Иң зур байлыгыбыз — дүрт миллионга якынлашучы халкыбыз. Татарстан җире — татар халкының тарихи туган иле. Безнең яраткан бәйрәмебез — язгы кыр эшләреннән соң үткәрелә торган Сабан туе.