sevaman

Ответ от Галина Аванесова[гуру]
Люблю.
~~~~~
~~~~~
Қанотим бўлса-ю, ёнингга учсам,
Кўзларим ёшлаб, бағримга боссам,
Майлига ўша кун, беармон ўлсам,
Мен сени севаман, сени севаман.
Дунёга сиғмади, митти юрагим,
Оллоҳдин ижобат бўлмас тилагим,
Сезаман йўқдир, сенга керагим,
Мен сени севаман, сени севаман.
Нечун бу олам бир кам яралган,
Муҳаббатдин андуҳ, ғам яралган,
Одам этидан-ку Ҳавво яралган,
Мен сени севаман, сени севаман.
Кўникдим дунёнинг ташвиш ғамига,
Тайёрман минг бора, қайта аламга,
Ишқингдин арзим бор, ул кун ҳакамга,
Мен сени севаман, сени севаман.
Қайғулар дарёси бўлди муҳаббат,
Орзулар фарёди бўлди муҳаббат,
Ошиқлар мозори бўлди муҳаббат,
Мен сени севаман, сени севаман.