загадки на казахском

Ответ от Almagul`[гуру]
Жұмбақтар,
1. Тартылған екі арқаны ұзын бойға,
Сөйлеуге сондай шебер тапсаң айла.
Әр жерде аршындалған балдағы бар,
Ойнайды оң бармағың білсе қайла.
(Домбыра)
2. Бір нәрсе өзі жансыз ырғатылып,
Өзінің аяғы жоқ бір мақұлық,
Жаз болса көк шалапты сапырады,
Шөмішін бір шығарып, бір батырып.
(Қайық)
3. Ізі бар қадамы жоқ, аяғының,
Тимейді ұшы жерге таяғының.
Қос қолын хайуанға арта салып,
Салады әуезіне баяғының.
(Арба)
4. Жапанда бір нәрсе бар аузы жабық,
Ашылар мезгілінде баурын жазып.
Ішінде толып жатқан қазнасы бар,
Қорек қып пайдаланар тамам халық.
(Кітап, оқу)
5. Денесі жоқ,
Аузы бар,
Аяғы жоқ,
Қолы бар.
Қапқан
6. Айдалада ақ отау,
Аузы мұрны жоқ отау.
Жұмыртқа
7. Ти десем, тимейді,
Тиме десем, тиеді.
Ерін
8. Аспай піскен,
Қайнамай түскен.
Жеміс
9. Қанаты жоқ, ұшады,
Аяғы жоқ, жетеді.
Аузы жоқ, ұлиды.
Боран
10. Қолы жоқ, сурет салады,
Тісі жоқ, тістеп алады.
Аяз
11. Көзге ілінбейді,
Жұтсаң білінбейді.
Ауа
12.Әшейінде жекесің,
Қарай қалсаң екеусің.
Айна
13. Кезікті бір жануар,
Үстінде екі тауы бар.
Түйе
14. Тастамайды бір елі,
Үйін сүйреп жүреді.
Тасбақа
15. Телеграф бағаны деп қаласың,
Насосқа ұқсастығын табасың.
Т
16. Көлбең-көлбең етеді,
Жер түбіне жетеді.
Түтін
17. Жеке өзін жей алмайсың,
Онсыз асты аузыңа салмайсың
Тұз
18. Бір нәрсе білмегенді білгізеді,
Өзіңді тұрсаң қарап күлгізеді.
Жалғанда әңгімесі сондай қызық,
Жаныңды тыңдай берсең кіргізеді.
Кітап
19. Бір ат бар бесеу ара, өзі жорға,
Саламын жорғалатып жолдан жолға.
Найзамен қар үстіне суды құйып,
Ғажайып бір іс қылдым осы жолда.
Бес саусақ, парақ
20. Қар астынан мойынын созды
Қар кеткен соң «өмірден озды»
Бәйшешек
Источник: УДАЧИ!!!