аткан ук эйткэн суз

Ответ от Вахит Шавалиев[гуру]
«Сүз күңелдә очкын булып көйри,
Сүз арыслан итә йөрәкне»
(Г. Афзал)
Халык җырларын тыныч кына тыңлый алмыйм.
Аларга халкыбызның бөтен хәсрәт-шатлыгы салынган­
дыр кебек тоела миңа. Тыңлап туймаслык көйләр бар
безнең халыкта!
Җыр авыр вакытта тынычландыра, шатланганда хис­
ләреңне тагын да көчәйтә ала.
Эш эшләгәндә дә, уйнаганда-шаярганда да, ял иткәндә
дә, сугышка киткәндә дә, җыр җырлаганнар.
Кызыл армия, гражданнар сугышы, хезмәткә алыну
турында җырларда Туган ил белән аерылу хәсрәте дә,
яшьлек хыяллары да, өмет һәм өметсезлек тә бергә ку­
шылган.
Халык җырлары һаман да языла әле. Безнең авылда
егетләрне Армиягә бергәләп озату гадәте бар. Андый
вакытта кызлар-егетләр төрле җырлар чыгаралар, бер-
берсен үртиләр яисә егетләрне батырлыкларга өндиләр.
Абыем хезмәткә алынганда:
Моннан киткәч, төннәр буе
Окопларда ятырсың.
Туры атсаң, тиз йөгерсәң,
Яллар алып кайтырсың, —
дип җырладылар.
Бәйрәмгә абыйның яраткан кызы да килгән
иде. Аның җыры бигрәк тә истә калган:
Кулымдагы балдагымның
Исемнәре Габделнур.
Мин көтәрмен, инде үзең
Җаен табып кайтыр бул.
Абыемнар әле китеп тә өлгермәгән, аларны инде са­
гына ук башлаганнар диярсең. Ә бит, чынлыкта да,
шушы җырны исендә калдырган абый бик яхшы хезмәт
итәчәк, медальләр тагып, берәр елдан ялга да кайтып
җитәчәк! Юкка гына, сүз йөрәкне арыслан итә, димиләр.
ht*tp://tazbash.narod.ru/olderfiles/1/Rahman2003.pdf убери *